Villabonako Udala

Villabonako Udala

Amasako herrigunea Villabonakoa baino lehenagokoa da, eta baliteke haren aurretik beste bat Amasakoa baino gorago izatea. Amasako kolazio edo kontzejua 1385ean agertu zen lehen aldiz historian, Tolosarekin bat egiteko aitortutako gutunean, hain zuzen. Villabona 1398ko Gipuzkoako Batzar Orokorretan azaldu zen lehen aldiz herri gisa eta jakin badakigu zein izan zen haren sorburua: Amasako hainbat biztanle behera jaitsi ziren, hau da, Gaztela Frantziarekin -Segura, Tolosa eta Hernanitik pasatuz- lotzen zuen Galtzadan, merkataritzan, eskulangintzan, bidaiarientzako zerbitzuetan eta abarretan aritzeko. Bada beste arrazoi bat jende haiek gerora Villabona izango zen eremuan kokatzeko: alegia, Done Jakue bidean ari ziren erromesentzako atsedenleku bat sortzea. 1480an, Villabonak Amasako auzoa izateari utzi zion. Horren ondorioz, jurisdikzio zibil eta kriminaleko Alkate eta guzti lortu zuen, oraindik Amasak baino askoz ere biztanle gutxiago zituen arren. Egoera honek tirabira eta gatazka handiak sortu zituen bi kontzejuen artean. Hala, urte asko geroago, 1619/20an hain zuzen ere, hiribildu bakarra sortzea erabaki zuten. Egungo Udaletxea 1851.urtekoa da. Aurrekoa nahita erre zuten 1812an, Independentzia Gerran frantziar tropek kuartel modura erabili zutelako.

Gaur arratsaldean Aduna, Alkiza, Asteasu, Amasa-Villabona eta Zizurkilgo udal ordezkariek "Orain presoak! Euskal presoak Euskal Herrira" lemapean egingo den manifestazioa aurkeztu dute Amasa-Villabonako udaletxeko batzar aretoan egindako agerraldi publikoan. Manifestazioa datorren abenduaren 31n izango da eta 19:00etan abiatuko da Zizurkilgo Joxe Arregi plazatik. Agerraldian izan dira besteak beste, Pili Legarra Asteasuko alkatea, Iker Urruzola Zizurkilgo alkatea, Beatriz Unzue Amasa-Villabonako alkatea eta Josu Amilibia Adunako alkatea. Alkizako udalak ere atxikimendua adierazi dio manifestazioari. Aipatzekoa da manifestua udal hauetako osoko bilkuretan onartua izan dela gehiengo osoz.

Pasa den abenduaren 26an, Aintzane Oiarbide Gipuzkoako Foru Aldundiko Bide Azpiegituretako diputatua Amasa-Villabonan izan zen eta Legarretako zubiko obrak amaitu direla iragartzeko agerraldi publiko batean parte hartu zuen. Hainbat komunikabidek agerraldi honen berri eman zuten. Gainera, Aldundiak berak argitaratu eta zabaldu zuen albistea bere komunikazio-kanalen bidez.

Amasa-Villabonako udalak, Tolosaldea Garatzeneko Aniztasun sailarekin eta SOS Arrazakeria elkartearekin elkarlanean, azken urteetan eskuin muturreko mugimendu eta alderdien gorakada kezkagarriaren inguruko informazioa zabaldu eta kontzientzietan eragin nahi du emigrazioaren nazioarteko egunaren bueltan.

Pasa den abenduaren 17an izandako Amasa-Villabonako udalbatzaren osoko bilkuran gehiengo osoz onartu ziren udal gobernuak proposatutako aurrekontuak. Oposizioko alderdiek ez zuten aurrekontua babestu eta kontrako bozka eman zuten. Hala ere 2020rako aurrekontu proposamena onartua izan zen aldeko 7 boto eta kontrako 5 botorekin.

Pasa den abenduaren 2an Usurbilgo alkatearen gutuna iritsi zen Amasa-Villabonako udalera, ZUbietan eraiki duten errauste plantaren jardueragatik bere kezka adieraziz eta gure udalak egoera horren aurrean posizionamendu publiko bat har zezan eskatuz.

 Amasa-Villabonako udalak, Zunbeltz elkarteak eta herriko hainbat norbanakok elkarlanean antolatu dute aurtengo gabon eguneko egitaraua.

Aurtengo egitaraua berezia izango da, aurreko urteekin alderatuta berrikuntza ugari izango dituena, izan ere, udaleko kultura sailetik abenduaren 24ko egitaraua eraldatu eta aberasteko apustua egin da. ikastetxeen araberako haur eta gaztetxoen arteko bereizketarekin amaitzea eta goizean kalez-kale eta etxez-etxe koadrilan kantuan aritzeko ohitura indartzea izan dira eraldaketa honekin bilatu nahi izan diren helburuetako batzuk.

Abenduan sartu gara eta Eguberriak gerturatzen ari dira dagoeneko. Oporraldia hartu eta opari mordoxka jasotzeko garaia; horixe da Eguberria egungo haur eta gaztetxo gehienentzat. Kontsumismoak bultzatutako irudi hori aldatu, eta Euskal Herrian Eguberriak jatorrian zuen esanahia berreskuratzen hasteko asmoz, ekimen berezia antolatzen ari dira, elkarlanean, Amasa-Villabonan.

Harremanetarako

JSN Megazine 2 is designed by JoomlaShine.com | powered by JSN Sun Framework