2019/12/24

Eskuin muturraren goraldiaren inguruko hitzaldia eta erakusketa

Nork idatzia:
Baloratu artikulua
(0 botu)

Amasa-Villabonako udalak, Tolosaldea Garatzeneko Aniztasun sailarekin eta SOS Arrazakeria elkartearekin elkarlanean, azken urteetan eskuin muturreko mugimendu eta alderdien gorakada kezkagarriaren inguruko informazioa zabaldu eta kontzientzietan eragin nahi du emigrazioaren nazioarteko egunaren bueltan.

Bi ekimen antolatu dira Amasa-Villabonako Gurea zinean:

  • Abenduak 16 astelehena, 19:00etan Hitzaldia: "Eskuin muturraren goraldia". Agustin Unzurrunzaga Soziologoa eta SOS Arrazakeria-ko kidea izango da hizlaria.
  • Astelehenetik ostiralera 18:30etatik 20:30etara: Eskuin muturraren inguruko erakusketa bisitatu ahal izango da Gureako Erakusketa gelan.

Amasa-Villabonako udaletik, ekimen honetan parte hartzeko deia luzatu nahi dugu. Europan eta espainiar estatuan ikusten ari garen eskuin muturraren goraldiak giza eskubideen murrizketa ekar dezake eta horrek guztioi eragiten digu. Ezin dugu beste alde batera begira geratu, ideologia eta jokabide arrazista, xenofoboa, homofoboa, faxista... zabaltzen ari den bitartean, honi aurre egin behar zaio.

Eskuin muturrari stop!

Irakurri 147 irakurketa Azken eguneraketa 2020/01/08
Villabonako Udala

Amasako herrigunea Villabonakoa baino lehenagokoa da, eta baliteke haren aurretik beste bat Amasakoa baino gorago izatea. Amasako kolazio edo kontzejua 1385ean agertu zen lehen aldiz historian, Tolosarekin bat egiteko aitortutako gutunean, hain zuzen. Villabona 1398ko Gipuzkoako Batzar Orokorretan azaldu zen lehen aldiz herri gisa eta jakin badakigu zein izan zen haren sorburua: Amasako hainbat biztanle behera jaitsi ziren, hau da, Gaztela Frantziarekin -Segura, Tolosa eta Hernanitik pasatuz- lotzen zuen Galtzadan, merkataritzan, eskulangintzan, bidaiarientzako zerbitzuetan eta abarretan aritzeko. Bada beste arrazoi bat jende haiek gerora Villabona izango zen eremuan kokatzeko: alegia, Done Jakue bidean ari ziren erromesentzako atsedenleku bat sortzea. 1480an, Villabonak Amasako auzoa izateari utzi zion. Horren ondorioz, jurisdikzio zibil eta kriminaleko Alkate eta guzti lortu zuen, oraindik Amasak baino askoz ere biztanle gutxiago zituen arren. Egoera honek tirabira eta gatazka handiak sortu zituen bi kontzejuen artean. Hala, urte asko geroago, 1619/20an hain zuzen ere, hiribildu bakarra sortzea erabaki zuten. Egungo Udaletxea 1851.urtekoa da. Aurrekoa nahita erre zuten 1812an, Independentzia Gerran frantziar tropek kuartel modura erabili zutelako.

Harremanetarako

JSN Megazine 2 is designed by JoomlaShine.com | powered by JSN Sun Framework